GEMMERKOEKIES

Dié is my Ma se resep & volgens haar is die geheim om al die mengwerk met die hand (d.w.s nie met 'n lepel nie) te doen.

Ek & Griet stry oor wie die laaste koekie kry!

Bestanddele

• 1.5kg Bruismeel
• 6 Koppies suiker
• 4 Groot geklopte eiers
• 500g Sagte botter (of margarien)
• 500g Goue stroop
• 4 Eetlepels gemmerpoeier
• 1 Teelepel koeksoda

Só maak mens

1. Room botter & suiker met die hand.
2. Voeg eiers by mengsel.
3. Voeg bruismeel, gemmer en koeksoda by en meng deeglik. (Die mengsel lyk maar droog!)
4. Voeg stroop by & meng deeglik.
5. Rol die deeg in klein balletjies (50c grootte) en plaas op gesmeerde bakplaat. Moenie platdruk nie: dit word vanself plat tydens die bakproses.
6. Bak vir 8-10 minute by 250°C (480°F). Die koekies brand maklik; wees dus versigtig.

(Lewer ongeveer 20 dosyn koekies)